Welkom by Kroonstad-Oos!  

Met Paasfees en die wonderlike seën wat ons daarmee ervaar het, iets van die verlede, leef ons in afwagting op die uitstorting van die Heilige Gees.

Deur die volheid van die Gees in jou hart te ontvang word jy in staat gestel om hierdie ontsaglike genade van vergifenis, wat God jou deur Jesus se kruisdood gegee het, nou ten volle uit te leef en die Hemel reeds hier op aarde te ervaar. Dit is ook nou dat ons werklik van ‘n God Drie-enig kan getuig, nou dat die “Krag waarmee God Jesus uit die dood opgewek het” (Efes. 1) ook tot ons beskikking is!

Ons Liefdevolle en genadige Vader gee Sy gehoorsame en sondelose Seun vir MY!

Ek kan dit net ten volle begryp en beleef deur my oop te stel vir die werking van GOD HEILIGE GEES in my lewe. Dan word ek hierdie liefdevolle en opofferende JESUS se hande, voete, ore en mond, GOD VADER se doel vir my lewe kom tot vervulling en al die beloftes in Sy Woord word ook beloftes aan myself!

Leef saam met jou mede broers en susters in afwagting op hierdie wonderlike belofte van die uitstorting van die Heilige Gees!

Deel in spirituele groei – Romeine 12!